Министерството за здравство соопшти дека од страна на ПЗУ Синлаб до Институтот за јавно здравје е доставена информација за детектиран еден случај на флурона, кај 26-годишен пациент од општина Зајас.
Според епидемиолошката анкета, пациентот со коинфекција ковид19/инфлуенца А, непосредно пред 31 декември се вратил од САД и според неговите кажувања таму примил вакцина против ковид-19, односно се ревакцинирал неколку дена пред да пристигне во земјава.
„Пациентот е упатен на домашно лекување, бидејќи засега нема тешка клиничка слика“, додаваат од Министерството за здравство.
