Според анализата на Министерството, голем е бројот на невакцинирани граѓани кои се заразиле со ковид-19, односно 67 проценти од позитивните, односно вкупно 46.246 граѓани.
Анализата покажува и дека смртноста кај невакцинираните е драстично поголема, па така во изминатите недели на територија на државата починале 2.447 лица со ковид 19, од кои 22 отсто биле вакцинирани, а 1.913 пациенти од починатите не биле вакцинирани. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас, како и пациенти кои се вакцинирале во странство со вакцини на Модерна и Џонсон.
Министерството за здравство повторно укажува на важноста на вакцинација и вели дека секоја вакцина која ја имаме на располагање е безбедна. Оттаму апелираат граѓаните да се вакцинираат зашто само така ќе се дојде до колективен имунитет и ќе се спречи ширење на мутации на СарсКов2.
