Стипендијата изнесува 900 фунти месечно за универзитети надвор од Лондон и 1.000 фунти месечно за институции во Лондон, за покривање на трошоците за сместување и исхрана. Патните трошоци се на товар на кандидатите.
Министерството за образование и наука објави дека условите за конкурирање се завршени академски универзитетски студии од прв циклус со просечен успех над 8.00, одлично познавање на англискиот јазик, кандидатите да не се постари од 30 години и да имаат обезбедена согласност од соодветна институција од Велика Британија за реализација на студискиот престој.
Во објавата на МОН се достапни информации за документите кои се потребни за конкурирање, начинот на поднесување на апликациите и линкови и контакти за повеќе детали за стипендиите, а рокот за поднесување на документите е 1 март 2022 година.
