Две дози вакцина примиле 48 проценти од полнолетните граѓани, односно 57 отсто од граѓаните над 40 години. Трета доза вакцина примиле 22 отсто од вакцинираните граѓани постари од 60 години, а опфатот со една доза вакцина на полнолетната популација е 50%.
Вакцинацијата, според Министерството, се одвива непречено на сите пунктови низ државата, а во тек е и теренска вакцинација. Оттаму потсетуваат дека вакцините се безбедни и ефикасни и се единствениот начин да се победи пандемијата, како и дека само со комплетна вакцинација се спречува тешка форма на болеста и се намалува шансата од заболување како и смртен исход од болеста.
