Последните два случаи биле регистрирани на 19 октомври, а во текот на тој месец вкупно биле регистрирани четири случаи. Претходниот месец, во септември, како што јавува МИА; имало 112 ковид – позитивни лица, а во август вкупно 357 случаи.
Во моментов нема активни случаи, велат во локалниот центар за јавно здравје, а за трите случаи кои фигурираат во здравствениот билтен на Институтот за јавно здравје нагласуваат дека трите лица оздравеле, но дека од матичните лекари сѐ уште не е заведен нивниот извештај.
Инаку во овој регион од почетокот на епидемијата во земјава, од ковид-19 починале 80 лица, а позитивни на вирусот биле 1.453 лица.
