Телевизијата Ал Масира ја пренесе следнава изјава на Абдел-Малек ал-Хути: „На ниво на оската на отпорот, важно е да се надоградува на она што го постигна либанскиот фронт и понатаму да ескалира, особено на ирачкиот и јеменскиот фронт“.
„Ирачкиот фронт е силен и важен. Има способности кои му помагаат да биде поефективен, со Божја помош, во справувањето со израелскиот непријател“, додаде лидерот на Хутите. Од почетокот на војната во Газа пред една година, Израел е честа мета на проиранските сојузници, таканаречената Оска на отпорот.
Заедно со либанскиот Хезболах и Хамас во Појасот Газа, сојузниците ги вклучуваат и милициите во Ирак и јеменските Хути.
