„Според пријавеното, лицето му понудило огревни дрва и откако се договориле заедно се упатиле на местото каде наводно требало дрвата да пристигнат. Како што е пријавено, лицето го оставило пријавувачот да чека и заминал наводно да смени девизи, но се упатил во домот на пријавувачот, каде што ги побарал парите од неговиот брат“, соопшти полицијата.
СВР Куманово презема мерки за расчистување на случајот.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 пријави за измами со огревни дрва. СВР Куманово презема мерки и активности за пронаоѓање и санкционирање на сторителите на овие измами.
„Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192“, велат од СВР Куманово.
