„Тоа се територии што станаа дел од Русија и кои се вклучени во нашата државна уставна одредба како неотуѓив дел од Русија. Тоа е факт што ние апсолутно не можеме да го негираме или да дискутираме за него“, рече Песков на дневниот брифинг со новинарите.
Овие изјави укажуваат дека Русија има намера да ја продолжи борбата барем додека не ги заземе сите четири украински региони што Москва ги смета за свои. Според рускиот устав, Доњецк, Луганск, Херсон и Запорожје се дел од Русија, иако руските сили не ги контролираат целосно овие региони, а Украина и меѓународната заедница ги сметаат за делови на Украина.
И рускиот министер за надворешни работи, Сергеј Лавров, вчера посочи дека Русија се стреми кон целосна контрола врз четирите региони.
