Билјана Пантиќ Пиља, шефицата на делегацијата на Србија во Советот на Европа, минатата недела им кажа на медиумите во Србија дека делегацијата „успешно го тргнала барањето на таканаречено Косово од дневниот ред“. Таа тоа го нарече успех на српската дипломатија и на претседателот на Србија Александар Вучиќ, додавајќи дека имаа поддршка од Шпанија и Унгарија.
Меѓутоа, Европската Унија оваа изјава ја оценила како кршење на Договорот за патот кон нормализација, во кој се наведува дека Белград нема да се противи на членство на Приштина во која било меѓународна организација.
