Се додава дека полнолетните момчиња биле приведени откако навредувале и нападнале двајца полицајци од кои едниот добил повреди, и дека потоа се оддалечиле од лице место.
„Полициските едници успеале да ги уапсат осомничените. Осомничените се одведени во полициска станица, а потоа на лекарски преглед. Истите биле под дејство на алкохол, што е потврдено со мерење, при што се покажало дека тројца од нив се под влијание на алкохол“, се наведува во соопштението.
Меѓутоа, политички активисти од Северна Митровица на социјалните мрежи објавија видео снимка од приведувањето на момчињата, со коментар дека косовската полиција употребила прекумерна сила, односно дека полицајците Албанци ги тепале младите Срби.
Тhe Albanian police brutally beat 3 Serbian boys.Under Resolution 1244,the so-called Albanian police are prohibited from operating in the northern part of Kosovo and Metohija, with NATO,specifically KFOR,responsible for maintaining order.Where were KFOR forces last night? pic.twitter.com/KdB6Xz8eXV
— Весна Веизовић (@vesnaveizovic) September 10, 2024
Реагираше и Српска листа, најголемата партија на Србите на Косово, со тврдење дека „бруталноста на косовската полиција кон Србите во режија не премиерот Аљбин Курти стана секојдневие на северот на Косово“.
„Не е прв пат да постојат јасни докази за бруталноста на послушниците на Курти, а да нема никаква контрола на косовски инспекторат, ниту реакција на меѓународните претставници на институционалната репресија над српскиот народ“, се истакнува.
Во меѓувреме Канцеларијата за Косово и Метохија на српската влада оцени дека „бруталното приведување и претепување на српските момчиња од страна на косовската полиција е огледало на антисрпската политика и репресијата и тортурата кои секој ден ги трпат и доживуваат Србите од северот на Косово“.
