Во писмото, Ким им ја честиташе Новата година на Путин и на сите Руси, вклучително и нивните војници, и ја изрази својата подготвеност за дополнително зајакнување на билатералните врски, кои, како што рече, двајцата лидери ги поставиле на највисоко ниво оваа година со нови проекти, пренесе КЦНА.
Ким „посака новата 2025 година да биде забележана како прва година на воена победа во 21 век кога руската војска и народ ќе го поразат неонацизмот и ќе постигнат голема победа“, додава агенцијата.
На самитот во јуни, Ким и Путин потпишаа договор за меѓусебна одбрана, според кој секоја страна е обврзана да ѝ помогне на другата во случај на вооружен напад.
Оттогаш Северна Кореја испрати десетици илјади војници во Русија за да ѝ помогнат во нејзината војна против Украина, а Сеул и Вашингтон соопштија дека повеќе од илјада се убиени или ранети.
