Во малото финале на кошаркарскиот турнир во Париз, Србија ја совлада Германија со 83-93 и стигна до бронзениот медал.
И покрај исцрпувачкото полуфинале против моќните Американци, избраниците на Пешиќ одиграа нов брилијантен натпревар и заслужено обезбедија место на подиумот.
Србија водеше од првата до последната минута, на средината од третата четвртина дури имаше и +19. Германија на моменти покажуваше дека може да парира, но никако не успеваше да фати резултатски приклучок и победата на „орлите“ е сосема заслужена.
Прв играч на натпреварот беше Никола Јокиќ, кој испиша историја и стана само четвртиот кошаркар со трипл-дабл учинок на Олимписките игри по Александер Белов, Лука Дончиќ и Леброн Џејмс.
Центарот на Денвер мечот го заврши со 19 поени, 12 скокови и 11 асистенции.
