Конвој од неколку агенции на ОН, меѓу кои и агенцијата за палестински бегалци (УНРВА), беше „запрен од израелските сили“ на контролниот пункт Ал Рашид иако ги имаше сите потребни овластувања, уверуваше Стефан Дижарик.
Тим од 12 вработени на ОН „беше информиран дека израелските сили сакале да испрашуваат двајца членови на конвојот“, рече тој.
„Ситуацијата брзо ескалираше, војниците го вперија оружјето директно кон нашиот персонал во конвојот, а возилата на ОН беа опколени од израелските сили, кога беше отворен и оган“, рече тој.
Потоа се приближиле израелски тенкови и булдожер, „удирајќи ги возилата на ОН и од предната и од задната страна, збивајќи го конвојот“, додаде Стефан Дужарик, истакнувајќи дека вработените не можеле безбедно да излезат од возилата.
„Конвојот беше држен на нишан додека високи претставници на ОН контактираа со израелските власти за да се обидат да ја деескалираат ситуацијата и по седум и пол часа на контролниот пункт, конвојот се врати во својата база без да успее да ја изврши својата хуманитарна мисија“, рече тој.
