„Иранската мирољубива нуклеарна програма продолжува, како и во изминатите три децении, врз основа на правата на Иран како потписник на Договорот за неширење нуклеарно оружје. Дефинитивно нема да покажеме никаква слабост по ова прашање“, рече портпаролот.
Израелскиот премиер Бенјамин Нетанјаху еден ден претходно, по средбата со американскиот државен секретар Марко Рубио во Ерусалим, изјави дека САД и Израел се решени да се спротивстават на иранските нуклеарни амбиции и неговото влијание на Блискиот Исток.
Рубио рече дека „зад секоја терористичка група, секој чин на насилство, зад секоја дестабилизирачка активност, сè што ги загрозува мирот и стабилноста за милиони луѓе кои овој регион го нарекуваат дом, стои Иран“.
За време на својот минат мандат во 2018 година, американскиот претседател Доналд Трамп ги повлече САД од нуклеарниот договор меѓу Иран и нуклеарните сили и воведе нови, строги санкции врз него. Иран одговори со прекршување на ограничувањата на тој договор со надополнување на залихите на збогатен ураниум, рафинирајќи ја неговата фисилна чистота и инсталирање центрифуги за да го зголеми неговото производство.
Спорот за иранската нуклеарна програма повторно ескалира во последните месеци.
По критиките од Меѓународната агенција за атомска енергија (МААЕ), Техеран во ноември објави дека планира да лансира илјадници нови центрифуги за збогатување ураниум.
Иран моментално збогатува ураниум до 60 проценти. Експертите тврдат дека за нуклеарно оружје треба да се збогати на повеќе од 90 проценти.
