Хакерите за Си-ен-ен изјавија дека базата на податоци содржела информации, вклучително и контакти, за околу 800.000 затвореници и нивните семејства.
Базата на податоци содржи податоци од арктичката казнена колонија каде умре Навални, а хакерите велат дека ги споделиле контактите на затворениците и нивните семејства „со надеж дека некој може да контактира со нив и да ни помогне да разбереме што се случи со Навални“.
Хакерите објавиле фотографија од Навални и неговата сопруга Јулија за време на нападот на веб-страницата на затворскиот систем, а исто така ги промениле цените на сите оброци што семејствата ги купуваат за затворениците, кои обично чинат повеќе од еден долар на една рубља.
Експертот за сајбер безбедност Том Хегел смета дека податоците добиени од хакерите се автентични.
Рускиот опозиционер и остар критичар на Кремљ, Алексеј Навални, почина во руски затвор на 16 февруари. Навални служеше 30-годишна затворска казна, меѓу другото, за, како што е наведено во една од пресудите на рускиот суд, основање и финансирање на екстремистичка организација и нејзините активности.
