Според анкетите, приклучувањето кон Европската Унија е исклучително популарно во Грузија. Потегот на владејачката партија доведе до тоа илјадници луѓе да се соберат пред зградата на парламентот еден ден претходно, пред полицијата да ги растера користејќи водени топови и солзавец.
Замрзнувањето на преговорите за апликација за членство предизвика бес во Грузија, која во нејзиниот устав има зацртана цел за членство во ЕУ.
Демонстрантите со грузиски и знамиња на ЕУ тргнаа кон зградата на парламентот и фрлаа пиротехнички средства врз полицајците. Полицијата ги оддалечи од парламентот по булеварот Руставели, кон операта.
In Tbilisi, protesters have set up barricades.#Georgia #Georgiaelections #Tbilisi #Protests #EU pic.twitter.com/10kq0N6DMb
— Ulfh3dnar (@Ulfh3dnar_) November 29, 2024
Илјадници демонстранти зграпчија сѐ што им дојде до рака и останаа на импровизирани барикади по полноќ. На булеварот гореле пожари. „Ќе бидеме тука секоја вечер додека не се уморат“, рече Ника Гварамиа, шеф на најголемата грузиска опозициска партија, Коалицијата за промени, додека ги грееше рацете на оган. „Ова е наша држава, имаме само една, ќе се бориме за Европа“.
🤎🤍 #GEORGIA #TBILISI #russiamerda pic.twitter.com/LYllLeSKJT
— GaLucio (@galluzzilucio) November 29, 2024
🇬🇪🇺🇦 We strongly condemn such actions to protesters. Georgians have their right to choose, not Moscow slavery but democracy and peace.
Our colleagues and western readers, please share it to help this brave people!
📷 Texty’s source in Tbilisi#Georgia pic.twitter.com/GQePDrrHvM
— TEXTY.org.ua in English (@Textyorgua_Eng) November 29, 2024
Лидерката на коалицијата Елена Хоштарија носеше завој затоа што ја скрши раката за време на протестот во четвртокот. „Нема да попуштиме, нема да се откажеме“, изјави таа. „Но, мислам дека меѓународната заедница треба да размисли како да ги поддржи луѓето кои навистина веруваат во европските вредности“.
Стотици вработени во министерствата за надворешни работи, одбрана, образование и правда во петокот потпишаа отворени писма во кои го осудуваат замрзнувањето на преговорите како неуставни.
Голем број приватни универзитети рекоа дека ја прекинуваат наставата поради немирите, додека бизнис заедницата ја повика владата да ја преиспита својата позиција.
Владејачката партија Грузиски сон, која освои речиси 54 отсто од гласовите на изборите во октомври за кои опозициските партии тврдат дека биле наместени, во четвртокот соопшти дека ги замрзнува преговорите за членство бидејќи ЕУ ја „уценува“ Грузија.
