Во парламентот е одобрено и зголемување на казните за нагрдување на зградите и блокирање на сообраќајот. Организирање блокади на патиштата носи парични казни до 5.100 евра. Повеќе од 400 луѓе се уапсени од почетокот на протестите на крајот на ноември, откако владата реши да ја одложи кандидатурата за придружување во Европската Унија, како реакција на мешањето во внатрешните работи од страна на Брисел.
Многу демонстранти носат гас-маски и импровизирани покривки за лицата за да не бидат идентификувани, а полицијата во главниот град Тбилиси против насилните демонстранти користи водени топови и солзавец. Демонстрантите фрлаат пиротехнички средства на полицијата и се обидуваат со ласери да ги заслепат полицајците и надзорните камери.
Премиерот Иракли Кобахиѕе ја брани реакцијата на полицијата, а министерството за внатрешни работи соопшти дека се повредени над 150 полицајци.
Грузискиот парламент утре би требало да избере претседател кој ќе ја замени досегашната прозападна претседателка Саломе Зурабишвили.
