Пожарот, кој почна на 11 август, се запалил во шума кај местото Варнавас, 35 километри од грчката престолнина и се раширил за само еден ден кон северните предградија на Атина, пренесува Ројтерс.
Властите ги испрашале жителите на Варнавас во рамки на истрагата за причините за пожарот. Еден 76-годишник раскажал дека пожарот може да го предизвикал дрвениот столб пред неговата куќа за кај лабаво бил прикажен кабел за струја, истакнаа властите.
За истражителите засега тоа е најверојатната причина за избивање на пожарот, но се истражува и можноста за намерно подметнување.
Истрагата би требало да заврши во следните месеци, навел извор близок до истрагата.
Обвинителот во рамки на истрагата ангажирал инженери за да ја утврдат причината за пожарот, а грчката електродистрибуција ХЕДНО соопшти дека не нашла докази за какви било дефекти.
„Немаме индикации дека се случило нешто како краток спој“, кажал нивен претставник, додавајќи дека само релевантните служби се надлежни да ја утврдат точната причина, пренесува Ројтерс.
