Проблемот во водоводните мрежи на двете општини сè уште не е надминат.
Во Струмица веќе четири дена нема вода за пиење и готвење. Анализите на Центарот за јавно здравје покажаа дека водата содржи недозволени количини манган и бактерии, поради што не е исправна за пиење. Сега обврска е на јавното комунално претпријатие да обезбеди пивка вода за граѓаните.
Според комуналното претпријатие причина за ваквата ситуација е неповолната хидролошка состојба, односно, водата содржела многу кал и не било возможно да се исфилтрира до ниво на консумација.
И гостиварчани немаа вода за пиење. Во водата од градскиот водовод, како што соопшти гостиварски „Комуналец“, има бактерии и таа не е безбедна за пиење.
Од јавното претпријатие „Комуналец“ во Гостивар велат дека водата во градскиот водовод редовно се хлорира.
