Интервенираа пожарникари од Нови Сад и од целиот Јужнобачки округ, кои го гасеа пожарот со помош на јавните противпожарни служби.
Според 021.рс, наводно се слушнале детонации, а жителите на Нови Сад добиле СМС-предупредување да не излегуваат од своите домови.
View this post on Instagram
Секторот за вонредни ситуации издаде предупредување „Поради пожарот и големите количества чад не излегувајте од објектите додека не помине опасноста“.
Некои граѓани добиле и СМС-порака со иста содржина. Ова е првпат новосаѓани да добијат вакво предупредување.
За пожарот се огласи и новиот градоначалник на Нови Сад, Жарко Миќин, кој соопшти дека МВР преку новиот систем за известување за итни случаи ги предупредило граѓаните дека поради пожарот и големите количества чад не треба да ги напуштаат зградите додека не помине опасноста.
View this post on Instagram
Тој најави дека Институтот за јавно здравје ќе ја мери евентуалната загаденост на воздухот.
Засега не е познато што имало внатре во зградата што се запали, ниту што го предизвикало пожарот.
