Од денеска, според законот, секој на возраст од 18 и повеќе години може да носи до 25 грама сушен канабис надвор, може да чува до 50 грама дома и може да одгледува до 3 растенија канабис дома.
Пушењето трева е дозволено онаму каде што не е изрично забрането. Забрането е на игралишта, во училишта, спортски објекти, вклучително фудбалски стадиони, објекти за деца и млади и на 100 метри од влезот во овие објекти.
Конзумирањето на канабис од страна на лица помлади од 18 години е сè уште нелегално.
Толпа радосни луѓе собрани пред Бранденбуршката порта запалија џоинт веднаш по полноќ за да го поздрават стапувањето во сила на новиот германски закон за декриминализирање на канабисот.
Germany has legalised #cannabis 🌿🚬 from 1 April – no it’s no April Fool’s joke, as is evident from the smoke-filled premises of the Brandenburg Gate. From today, adults can carry up to 25g cannabis, store up to 50g at home, can grow up to 3 cannabis plants at home. pic.twitter.com/8Oi2YITmJD
— Nimish (@nimsaw) April 1, 2024
Неколку стотици видно весели луѓе, од кои многумина танцуваа на звуците на реге музиката, чекаа со високо кренати запалки за да го запалат џоинтот штом часовникот отчука полноќ. Огромен лист марихуана ја красеше бината пред знаменитоста во Берлин.
„Конечно можеме да се покажеме. Не треба повеќе да се криеме“, рече Хенри Плотке, член на Германското здружение за коноп (ДХВ). За него новиот закон е „олеснување“ бидејќи повеќе не се смета за криминалец.
Пушењето канабис на многу јавни места станува легално од 1 април.
VIDEO: Berlin holds ‘smoke-in’ as recreational cannabis use law comes into force.
Several hundred cannabis enthusiasts gathered at midnight under the Brandenburg Gate to smoke marijuana in public as the new law legalising its recreational use comes into effect on April 1 pic.twitter.com/gULtOS5P55
— AFP News Agency (@AFP) April 1, 2024
Во Германија со години беснее жестока дебата за декриминализацијата на канабисот. Групи доктори изразуваа загриженост за младите, а конзервативните политичари велат дека либерализацијата дополнително ќе ја поттикне употребата на дрога.
Симоне Борчард од опозициската конзервативна ЦДУ изјави пред Бундестагот дека владата инсистира на својот „целосно непотребен, збунувачки закон“ и покрај предупредувањата од лекарите, полицијата и психотерапевтите.
Но, министерот за здравство Карл Лаутербах рече дека сегашната ситуација повеќе не е одржлива бидејќи бројот на потрошувачи на возраст меѓу 18 и 25 години е двојно зголемен во последните 10 години.
