Редизајнираниот туарег се препознава по новите светла на предниот дел, кои Фолксваген ги вика „ај-кју лајт ХД матрикс ЛЕД“, поврзани со светлосна лента.
Новина е и осветлениот амблем на задниот дел.
Редизајнот носи и мали стилски промени на надворешноста, како и нова мат сива нијанса резервирана за Р ехибрид и Р-лајн верзиите на туарег.
Кабината е позната од претходно, но сега има нови апликации и технологии.
Од технолошка страна, туарег сега има сензор на покривот кој детектира куфер (доколку е поставен), врз основа на што автоматски се нагодува електронскиот систем за контрола на стабилноста.
Фолксваген наведува дека е подобрена и амортизацијата „за максимална удобност и оптимални перформанси“.
Луксузниот кросовер се нуди само со V6м мотори: 3.0 V6 бензинецот стартува со 340 коњски сили, дизелите даваат 231 и 286 коњски сили, а врвот на понудата се два плагин хибриди со 381 и 462 коњски сили.
Цените на туарег во Германија почнуваат од 69.200 евра, а најмоќниот хибрид ќе може да се купи за дури 93.700 евра.
