Кандидати за најдобар фудбалер на годината според изборот на ФИФА се: Белингем, Карвахал, Крос, Мбапе, Валверде, Винисиус од Реал Мадрид, Халанд и Родри од Манчестер Сити, Педри и Јамал од Барселона, Вирц од Баер Леверкузен и Лео Меси од Интер Мајами.
Во конкуренција за наградата за најдобар тренер конкурираат петорица: Карло Анчелоти од Реал Мадрид, Чаби Алонсо од Баер Леверкузен, Де Ла Фуенте кој е селектор на Шпанија, Гвардиола од Манчестер Сити и аргентинскиот селектор Лионел Скалони.
Кандидати за најдобар голман се: Донарума (ПСЖ), Едерсон (Манчестер Сити), Лунин (Реал Мадрид), Мањан (Милан), Мартинез (Астон Вила), Раја (Арсенал), Симон (Атлетик Билбао).
Ќе бидат доделени и награди во женска конкуренција во сите овие категории, а ќе бидат одбрани и најдобрите голови за годината.
Победниците подеднакво ќе ги избираат навивачите, капитените, селекторите на машката и женската репрезентација и претставниците на медиумите. Во изборот за наградата навивач ќе учествуваат само навивачи, а за фер-плеј ќе учествуваат експерти.
