„Ќе дојде време кога Западот ќе каже: Не успеавме (да ја победиме Русија), затоа ќе ја жртвуваме Украина“, рече Фицо во интервју за бразилскиот весник Фола де С. Паоло за време на официјалната посета на Бразил. Тој истакна дека во 1938 година Велика Британија, Германија, Италија и Франција го потпишале Минхенскиот договор со кој Чехословачка ги предала своите погранични области на нацистичка Германија.
„Се плашам дека слична судбина ја чека Украина“, рече тој. Според него, Словачка нема поплаки против властите во Киев, но смета дека Украина станала жртва на западните амбиции да ја ослабне Русија.
„Не ѝ се лутиме на Украина, само велиме дека таа му дозволи на Западот да ја вовлече во нешто негативно“, истакна словачкиот премиер. Инаку, Фицо кон средината на октомври изјави дека постои многу голема веројатност војната во Украина наскоро да заврши.
Фицо во неколку наврати изјави дека ќе го блокира влезот на Украина во НАТО додека е на чело на словачката влада. Откако победи на изборите минатата есен, тој ја смени политиката на претходната влада за обезбедување материјална поддршка на Украина во нејзината војна со агресорската сила и наместо тоа вети дека неговата влада нема да испрати „ниту еден куршум“ во Украина.
