„Многу сум збунета околу европските трупи, мислам дека тие не се ефикасни“, рече Мелони за можноста за нивно распоредување во Украина како дел од мировните напори, пренесува Анса.
Таа рече дека во тој случај ќе ја „отфрли“ можноста за испраќање италијански војници во Украина и рече дека е „подобро да се размислува за долгорочни решенија“. Според италијанската премиерка, ова би можело да биде продолжување на колективната безбедносна заштита на НАТО според членот 5 на Украина, без да ѝ се одобри полноправно членство во Алијансата, во која се вели дека нападот врз една членка на НАТО се смета за напад врз целата Алијанса.
„Ова не е исто што и приклучувањето кон НАТО, но на Украина би ѝ го обезбедило истиот безбедносен чадор што го имаат земјите од НАТО. Ова ќе обезбеди стабилни, долгорочни и реални безбедносни гаранции, повеќе од некои од предлозите што ги гледам сега. Тоа е една од идеите што ги пласираме“, објасни Мелони.
На маргините на Самитот за безбедност и Украина, Мелони исто така рече дека се противи на употребата на европските кохезиони фондови како дел од предложениот план за вооружување „РеАрм“, што го лансираше претседателката на Европската комисија Урсула фон дер Лаен во вторникот, и го поздрави фактот дека е прифатен предлогот на Италија дека тие не можат да се користат за одбрана против волјата на земјите-членки.
Европската комисија предложи парите што земјите ги добиваат од кохезионите фондови на ЕУ, насочени кон изедначување на животниот стандард ширум Европа, да се користат за одбранбени цели.
Предлогот на Комисијата е и нов инструмент со кој на земјите-членки ќе им се обезбедат заеми поддржани од буџетот на ЕУ во износ до 150 милијарди евра.
Овие планови на ЕУ за зајакнување на европската безбедност би можеле да мобилизираат близу 800 милијарди евра, рече претседателката на Европската комисија Урсула фон дер Лаен во изјавата.
