Во интервју за Фокс њуз, Џеј Ди Венс рече дека единствениот начин да се постигне траен мир е да му се даде на Вашингтон економски интерес за иднината на Украина.
„Ако сакате вистински безбедносни гаранции, ако навистина сакате да се осигурите дека Владимир Путин нема повторно да ја нападне Украина, најдобрата безбедносна гаранција е да им дадете на Американците економски потенцијал во иднината на Украина“, рече тој.
„Тоа е многу подобра безбедносна гаранција од 20.000 војници од некоја просечна (во оригинал: random country, буквално случајна) земја, што не била во војна 30 или 40 години“.
Deplorable. Totally overlooking the massive sacrifices made by courageous UK forces in Iraq and Afghanistan. JD Vance is no patriot, he is no ally of Britain.
pic.twitter.com/6NjYb4RLkq— Bella Wallersteiner 🇺🇦 (@BellaWallerstei) March 4, 2025
И покрај тврдењето на Венс, стотици британски војници загинаа борејќи се во Ирак и Авганистан.
Според достапните податоци, 179 британски војници загинаа во војната во Ирак (2003-2011). Во војната во Авганистан (2001-2021) бројот на загинатите британски војници е 453. Вкупно тоа значи дека 632 британски војници ги загубиле животите во двата конфликти.
Реакции од Британија
Одговарајќи на коментарите на Венс, британскиот опозициски министер за одбрана Џејмс Картлиџ рече: „Големо непочитување е да се игнорира таквата служба и жртва“.
Во меѓувреме, британскиот премиер Кир Стармер рече дека Обединетото Кралство, Франција и Украина ќе работат заедно на мировен договор што би можел да им биде претставен на САД.
Земјите што ветија дека ќе соработуваат на овој договор ќе формираат „коалиција на спремните“.
Земјите во коалицијата на крај би можеле да испратат војници да дејствуваат како мировници во Украина во случај на прекин на огнот.
