Додик престојува во работна посета на Белорусија каде кажа дека со Лукашенко добро се разбира бидејќи двајцата се под западните санкции па поради тоа е поважно да соработуваат. Истакна дека благодарение на властите на Република Српска е блокиран обидот Босна и Херцеговина да се придружи на западните санкции против Белорусија поради нејзината поддршка на Русија во војната во Украина и кажа дека се радува за тоа што Белорусија „успешно им одолева на санкциите“.
„Тој е жива легенда“, им кажа Додик на новинарите по средбата со белорускиот претседател за кого кажа дека му е како брат.
Имао сам данас изузетан састанак с предсједником Бјелорусије Александром Лукашенком у Минску.
Захвалио сам на подршци Републици Српској.
Разговарали смо и о привредној сарадњи.Република Српска ће разну робу, од електричних аутобуса, који се овдjе производе, до пољопривредне… pic.twitter.com/fgU29fd0hm
— Милорад Додик (@MiloradDodik) February 19, 2024
Во кратката снимка објавена по нивната средба Лукашенко во воведниот дел кажува дека „знае дека на Додик не му е лесно“ но дека е многу важно „цврсто да се држи во одбрана на православниот народ“ и дека за тоа може да смета на поддршка од Белорусија.
„Внимателно ја следиме состојбата на Балканот“, кажа Лукашенко додавајќи дека денес само силата нешто значи.
Додик на медиумите им кажа дека не дошол во Минск да „бара оружје или нешто ирационално“, туку да добие политичка поддршка.
Најави дека по посетата на Белорусија веднаш ќе отпатува во Русија.
