Демонстрантите насилно влегоа во зградата на Сенатот додека траеше дебатата, со што ескалираа неколкунеделните масовни протести против реформата, за која критичарите стравуваат дека може да го поткопа владеењето на правото во земјата.
Дебатата, која најверојатно ќе трае до раните утрински часови, продолжи во 19 часот по локално време, откако беше преместена на поранешната локација на Сенатот, зградата Ксикотенкатл.
Citizens have taken over the senate building, in protest of the judiciary reform. Recess has been called.
Things in Mexico are feisty.#Narcostate #morena #Venezuela2 https://t.co/ADTdcC82Mg pic.twitter.com/uhoTkHQrk5
— David Wolf (@DavidWolf777) September 10, 2024
Претходно во текот на денот, претседателот на Сенатот Хозе Херардо Фернандез ја прекина седницата и побара од пратениците да останат мирни бидејќи демонстрантите ги преплавија горните катови на салата, извикувајќи „предавници“, спротивставувајќи ѝ се на реформата.
Главните трговски партнери на Мексико, САД и Канада, предупредија дека промените би можеле да го поткопаат трговскиот пакт на трите земји и негативно да влијаат на инвестициите.
Mexico: Hundreds of protesters broke into the Senate to protest against the Judicial Reform, while the session in which the ruling was being discussed was taking place in the legislative building.
Video: @sharonmercado57 | El Universal
— Auden B. Cabello (@CabelloAuden) September 10, 2024
Основата на уставната реформа, која ја предложи претседателот во заминување, Андрес Мануел Лопез Обрадор, претставува директен избор со јавно гласање на повеќе од 6.500 судии, вклучувајќи го и Врховниот суд.
Со реформата се предлага и намалување на бројот на судии во Врховниот суд од 11 на 9, скратување на мандатот на 12 години и намалување на потребниот работен стаж од 10 на 5 години.
Лопез Обрадор и новоизбраната претседателка Клаудија Шејнбаум силно се залагаат за реформата како клучна за да се бара одговорност од судиите и да се намали корупцијата. Критичарите го нападнаа како концентрација на моќ од страна на владејачката партија.
Додека сенаторите дебатираа за реформата, опозициските пратеници го обвинија владејачкиот блок за прикриена тактика да обезбеди неопходно двотретинско мнозинство.
Гласањето се очекува да биде тесно, а на владејачката коалиција формално ѝ недостасува еден сенатор, иако се погласни се шпекулациите дека опозицискиот сенатор Мигел Анхел Јунес би можел да го даде клучниот глас за прифаќање на реформата.
