„Мораме да бидеме, за жал, прилично строги во однос на прашањето на миграцијата“, кажа Фредериксен за Булмберг. „Требаше одамна да се сменат правилата и законите во Европа“.
Покрај конфликтот во Украина, имиграцијата би требало да биде главниот приоритет на Европа, кажа Фредериксен. Според неа, владите низ регионот реагирале „малку предоцна“ на сè поголемиот прилив на мигранти, што довело проблеми како недостиг од интеграција, радикализација и криминал.
„Сè уште имаме време сето ова да го смениме“, смета данската премиерка.
Нејзините коментари следат откако соседна Германија ги заостри своите мерки против мигрантите без документи проширувајќи ја контролата на своите копнени граници, вклучувајќи ја и таа кон Данска.
