Дачиќ на новинарите во Палата Србија во Белград им кажа дека акцијата на апсењето ја извела Безбедносно-информативната агенција (БИА).
„Полицијата само даваше логистичка поддршка“, кажа Дачиќ.
Вечерње новости пренесоа дека БИА рано утринава на подрачјето на Белград спровела контраразунавачка операција во која е уапсен „хрватски шпион“.
„Акцијата е резултат на повеќемесечна оперативна работа на БИА и продолжување на сузбивањето на шпионското и деструктивно-субверзивно дејствување на хрватската разузнавачко-безбедносна служба СОА“, пренесе Новости.
Хрватска нема сознанија за апсењето на наводниот хрватски шпион во Србија, за што утринава известија одделни медиуми во Белград, соопшти денес хрватското министерство за надворешни и европски работи.
„Немаме никакви сознанија за наведената тема, ниту дека таков настан навистина се случил“, соопшти хрватското министерство.
