Дачиќ во пишана изјава предупреди дека нема да бидат толерирани ни напади на полицијата на опозициските протести.
„Секој кој ќе ја нападне полицијата ќе биде приведен и ќе бидат поднесени кривични пријави за напад на службено лице при вршење на службената должност“, истакна Дачиќ.
Во Белград денес беше приведен лидерот на движењето Тргни-Почни Саво Манојловиќ за време на протест на Стариот савски мост, додека пред зградата на судот и обвинителството во Нови Сад дошло до туркање на полицијата која ги обезбедува тие објекти и претставници на опозициските партии кои од вчера ги блокираат тие институции.
