Утринава во 02:45 часот кај село Егри, битолско, полициски службеници од полициската станица за Граничен премин Меџитлија ги лишиле од слобода Р.М.Л.А.(26) и Л.С.Б.Л.(26), двајцата од Куба. Тие не поседувале патни исправи и изјавиле дека на 17 септември илегално ја преминале границата од Република Србија кон Македонија. На двајцата им биле издадени решенија за протерување на странец и забрана за влез во државата во траење од 5 години.
Од Министерството наведуваат дека двајцата Кубанци ќе бидат предадени во прифатниот центар „Винојуг“ во Гевгелија за понатамошна постапка.
