Автобусот бил со македонски регистарски ознаки GV7396АD на превозникот Експрес туризам од Гостивар, управувано од лицето Х.О. државјанин на Р.Турција, кој сообраќа на редовна линија Гостивар – Истанбул. При извршена детална контрола и личен претрес на возачот во внатрешниот џеб на панталоните му биле пронајдени непријавени две пакувања обвиткани со црн најлон и селотејп трака во кои се наоѓале 100.000 швајцарски франци.
Девизните средства се привремено одземени, а против пријавеното лице ќе биде поднесено барање за поведување на прекршочна постапка до Основниот суд Во Крива Паланка.
