„Вчера, од страна на полициски службеници при СВР Штип, во содејство со шумска полиција и претставници од Национални шуми – „Серта” Штип, преземени се мерки со цел спречување на бесправна сеча и транспорт на огревни дрва, при што при извршена опсервација на подрачјето на селата Шашаварлија, Никоман, Калапетровци, Кошево и Почивало биле пронајдени и одземени 5 моторни возила натоварени со бесправно исечени огревни дрва, а при прегледот на терен биле пронајдени и одземени три моторни пили и еден мобилен телефон“, информира МВР.
Одземените возила и бесправно исечените дрва се предадени на шумска полиција за понатамошна постапка. За настанот е информиран јавен обвинител.
