На територијата на град Скопје изречени се вкупно 209 мерки, меѓу кои и 11 санкции за возење без возачка дозвола, девет санкции за технички неисправни и нерегистрирани возила, шест мерки за користење мобилен телефон, четири за непрописно престројување и пет санкции за некористење сигурносен појас
Низ целата држава казнети се вкупно 249 возачи за брзо возење, од нив 53 во Скопје. Според регистрираното на полициските радар – уреди, 11 возилa се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина. Притоа, 134 возачи ја пречекориле брзината во населено место, а 115 надвор од населено место.
Засилените акциски сообраќајни контроли продолжуваат, предупредува МВР и апелира до граѓаните да ги почитуваат сообраќајните правила и прописи за да се зголеми безбедноста во сообраќајот и да се придонесе за посигурни патишта.
