Вчера во раните утрински часови, во куќата во која живеела, осомничената убила 40–годишен маж со кого живеела во вонбрачна заедница.
„По вербална и физичка расправија меѓу нив, тој ја фатил за врат со намера да ја дави, па осомничената со нож му нанела убодна рана во пределот на левата страна на градниот кош која резултирала со смртна последица.
Имајќи ги предвид видот, тежината на кривичното дело и запретената казна, наоѓајќи дека осомничената може да избега или да ги уништи и сокрие трагите од предметното кривично дело, надлежниот јавен обвинител до Основниот суд Велес достави предлог за определување мерка притвор за обезбедување на нејзиното присуство во текот на постапката. Судија на претходна постапка го прифати предлогот на обвинителот и на осомничената и определи притвор во траење од 30 дена“, соопшти Основното јавно обвинителство од Велес.
