Американците тврдат дека руски авиони во неделата се приближиле на неколку метри до американски дрон ем-кју9 „рипер“ кој наводно учествувал во мисија против ИСИС над Сирија. Додаваат дека еден од руските авиони почнал да испушта сигнални ракети пред американскиот дрон, сериозно оштетувајќи го неговиот пропелер.
Екипажот на дронот успеал да го исконтролира леталото и да го врати во матичната база. „Очигледното занемарување на безбедноста на летањето од страна на рускиот ловец ја намалува нашата мисија да обезбедиме траен пораз на ИСИС“, порача генерал полковникот Алекс Гринкевич, командант на Централната команда на американските воздухопловни сили.
Објавена е и снимка од инцидентот на која се гледа дека руски борбен авион се приближува и испушта сигнални ракети во близина на дронот. Сличен инцидент се случи над Црно Море во март, кога авион Су-27 оштети ист ваков американски дрон.
On July 23 Russian military aircraft deployed flares, damaging a U.S. MQ-9 while conducting a defeat-ISIS mission. For the full statement by Lt. Gen. Alex Grynkewich, Commander, 9th AF (AFCENT) visithttps://t.co/5cQm8MQ6aQ@CENTCOM @DeptofDefense @usairforce @CJTFOIR pic.twitter.com/ViVTI3P05i
— US AFCENT (@USAFCENT) July 25, 2023
Средбите на руските борбени авиони американските беспилотни летала над Сирија стануваат сè почести. Двете војски дејствуваат во земјата, но руската ја поддржува власта на претседателот Башар ал Асад, додека американската поддржува опозициски милитанти групи.
