Се запалил вентилациски канал кој ја спроведува пареата. Пожараникарите се уште интервенираат. На терен се 15 пожарникари со пет противпожарни возила, изјави за МИА командантот на Територијалната противпожарна единица на Град Скопје Звонко Томески.
Пожарникарите добиле дојава од вработените во трговскиот.
Техничките служби на трговскиот центар Ист гејт мол заедно со пожарникарските служби на терен го локализираа пожарот кој избувна денеска во 9.30 часот, и навремено го спречија неговото ширење, соопштија од трговскиот центар.
„Согласно утврдените процедури на трговскиот центар за ваков тип ситуации беа активирани системите за заштита од пожар и вработените во трговскиот центар беа евакуирани. Како резултат на навремената реакција на службите нема повредени лица ниту е причинета голема материјална штета. Настанот се случи во време кога трговскиот центар сѐ уште не е оперативен и нема посетители. Во моментов се врши увид за причините од страна на надлежните органи“, се наведува во соопштението од Ист гејт мол.
По завршување на увидот, трговскиот центар ќе продолжи со работа со редовно работно време.
